SHANE
"Ang swerte ng magiging boyfriend mo talaga. Maganda ka na, sexy pa at mukhang mabait. Sana'y ganyan ang anak ko paglaki niya," sambit ng couturier habang sinusukatan si Gastadora. Nakamasid lang ako sa kanilang dalawa at hinayaan sa kailangan nilang gawin.
Sinukatan niya ang haba ng katawan ni Gastadora at sa manggas, maging sa balikat nito.
"May napili na rin ho pala akong design," sambit nito sa couturier.
"Alin doon?" tanong nito.
Lumapit ito sa sofa saka kinuha ang portfolio. Nakatitig lang ako sa kaniya habang lumalakad patungong sofa pabalik sa puwesto ng couturier. Hindi siya magaslaw kumilos at maingat. Ipinakita nito ang design ng couturier. "Ito ho."
"Maganda ang taste mo sa damit, Ma'am. Bagay ito sa 'yo panigurado," masayang sambit ni Madam Eli. "Sisimulan ko na it
