Kanina pa ako nakahiga rito sa malambot kong kama at hanggang ngayon 'di pa rin ako makatulog. Pabiling-biling ako sa higaan at halos gusot na ang bed sheet ng kama. Nagkalat na rin ang mga unan ko sa iba't ibang direksiyon.
Na-try ko na yata lahat ng posisyon ng paghiga. May patagilid, patihaya, pabaluktot, padapa at patuwad pero ayaw talaga akong dalawin ng antok. Mapupuyat ako nito at baka ikasakit pa ng aking ulo kinabukasan.
Tumingin ako sa wall clock na nasa pader.
Hay naku! Alas diyes na pala ng gabi, dapat tulog na ako sa mga oras na 'to! Paniguradong male-late ako sa pagpasok bukas.
Ahmmmn!
Teka... Bakit parang may mali yata sa wall clock ?
Parang may...
"AHHHHHHH!!! YAYAHHHHHH!!! hiyaw ko. Saka ako tumalon palayo sa kama. Malapit sa higaan ko 'yong dingding kung saan nak
