"Shayna, totoo iyong sinabi ko kanina kay Carson. Gusto kitang isama sa Hong Kong."
Kahit anong iwas ni Shayna na tumingin kay Kaia kanina pa, dahil sa sinabi nito ay napatingin siya rito.
"I think he wants you to come with us, too," saad pa nito.
Isasama siya ng mga amo niya sa Hong Kong? Sino ang tatanggi roon, di ba? Ngunit natatakot siya na baka hindi na naman makapagpigil si Kaia kapag naroon na sila kagaya kanina. Baka tuluyan na silang mabuko ni Sir Carson doon.
"Ma'am, wala po akong passport," sagot ni Shayna sa amo sabay iwas ulit ng tingin. Hindi niya kasi maiwasang magalit dito. Kung nakapagpigil lang ito kanina, hindi sana sila muntik-muntikang mabuko ng asawa nito.
"Madali lang naman ang mag-apply ng passport online. May kilala akong taga-DFA. Pwede nating ipa-rush
