Dahil na rin sa mga sinabi ng dalawang babae kanina ay hindi napigilan ni Shayna na bigyan ng mga patagong sulyap ang amo habang namimili sila ng grocery nila.
Matangkad ang amo niyang lalaki, maputi, at matipuno ang katawan. Namutla pa nga si Shanya nang masulyapan ang matambok na likuran ng amo niya nang mapatalikod ito sa kanya. Tapos mabait pa ang kanyang among lalaki. Mas simple ito kumpara sa amo niyang babae.
Sayang. Kung nagtatabi lang ang mga amo niya at mabubuntis si Ma'am Kaia niya, siguradong puro magaganda at guwapo ang magiging anak ng mga ito. Kung hindi mahal ni Ma'am Kaia niya ang asawa nito, si Sir Carson kaya? Mahal kaya nito ang asawa o hindi rin? Sayang talaga ang dalawa. Magaganda pa naman ang lahi ng mga ito.
Ngunit biglang pumasok ulit sa isipan ni Shayna ang
