Naiinis na isinara ni Carson ang laptop niya. Kung Hindi lang siya nanghihinayang sa mga lamang files nito at pati na rin sa presyo nito ay baka kanina pa niya iyon ibinato dahil kanina pa mainit ang ulo niya.
Magulo ang utak niya pati na ang damdamin niya. Kanina pa gumugulo sa isipan niya ang ginawa niyang paghalik kay Shayna pati na rin ng pag-amin sa nararamdaman niya para rito. Hindi naman niya iyon plinano ngunit hindi na talaga siya nakapagpigil kanina lalo na at napakalapit nila sa isa't isa at gandang-ganda siya rito kanina. Sumasakit na nga ang ulo niya sa kaiisip kung ano ang iniisip nito tungkol sa kanya at sa ginawa niyang paghalik dito. Iniisip niya na baka nadismaya ito sa kanya. Baka iniisip nitong mapagsamantala siya. Kung kailan ito mag-isa ay saka siya sumalakay.
Tin
