Kahit puyat nang nagdaang gabi ay maaga pa ring nagising si Shayna. Pagkatapos na magbihis, maghilamos at magsepilyo ay kaagad siyang lumabas ng kanyang kuwarto at naghanda ng almusal para sa kanyang among lalaki. Karaniwang umaalis ito ng Sabado upang umuwi sa pamilya nito o di kaya ay makipagtagpo sa mga kaibigan nito. Gayundin ang kanyang among babae. Paminsan-minsan ay magkasamang aalis ang dalawa upang pumasyal sa pamilya ng Ma'am Kaia niya.
Eksaktong naluto na ang sinaing niya at nakapagprito na siya ng longganisa at itlog nang bumaba si Sir Carson. Hindi na siya nagulat nang ito ang mauna dahil siguradong tulog pa ang kanyang among babae.
"Shayna, ipagtimpla mo naman ako ng kape," may halong pakiusap nitong utos sa kanya.
"Opo, Sir," mabilis na sagot ni Shayna. Pilit niyang bi
