The Bossman Daddy

Prologue

MULA SA pagkakaupo ni Elijah sa duyan ay may narinig siyang boses ng isang bata na umiiyak. At dahil nagpapa-cute pa ang kanyang yaya sa tindero ng mga palamig at gulaman, tumayo siya at hinanap kung saan nanggagaling ang tinig.

Nakita niya ang dalawang batang lalaki na inaaway ang isang walang kalaban-laban na batang babae. 

"Akin na 'tong candy mo! Marami ka namang perang pangbili eh! Mayaman ka naman!" Sigaw ng isang batang lalaking mataba.

"H-Huwag... candy ko 'yan. Bigay 'yan ng daddy ko..." Sumisigok na sagot ng isang maliit na batang babae.

"Heh! Ang damot mo naman, parang candy lang!" 

Pilit na kinuha ng batang babae ang candy nito, pero tinulak ito ng isang bata na payat. "Ang damot mo, huh! Bakit wala ka na bang candy sa bahay niyo? Lampa ka naman!" 

Bumagsak ang batang babae sa damuhan. Doon na kumilos ang siyam na taong si Elijah. "Hey, you! Bakit inaaway niyo siya? Ibalik niyo ang candy niya, hindi naman sainyo 'yan!"

Napatulala lamang ang batang babae habang nagbabadya na ang luha sa mata nito.

"Ahh... Elijah. Ikaw 'yung batang anak ng pinakamayaman dito sa subdivision, spoiled brat ka siguro 'no? Ang yaman yaman niyo naman, parang candy lang ang damot niyo!" Inis na sagot ng batang lalaki.

"Dahil hindi naman kusang ibinigay 'yan sayo. Masama ang kumuha ng hindi sayo,"

"Wala kang mangialam! Epal ka ah!" Napikon na ang batang mataba at tinulak din siya. Napaupo si Elijah sa lupa habang pinagtutulungan ng dalawang bata na saktan siya.

Walang magawa ang batang babae kundi tignan na lamang siya. Natatakot ito at masyadong mahina ang loob. 

Halos mabugbog na si Elijah nang biglang may dumating na ale. "Diyos ko po, Senyorita Penelope! Naririto lamang pala kayo. Kanina pa ako nagaalala sainyo!" Base sa itsura nito, ito ang tagapag-alaga ng batang babae.

Agad na natakot ang dalawang batang salbahe at tumakbo na. Naiwan si Elijah na nakahiga sa lupa. Nanakit ang katawan. 

Hinawakan ng bagong dating ang kamay ng batang babae. "Halika na po, tiyak na magagalit na ang daddy niyo." At hinila ang batang babae.

Napatingin si Penelope sa batang lalaki na nakahiga sa lupa at hindi makabangon. "T-Teka po... tulungan po natin siya, yaya. Niligtas niya po ako sa mga batang salbahe," 

Tinignan ng yaya ni Penelope si Elijah at nashock ito nang makilala ang bata. Sino ba ang hindi makakakilala rito? Ito lang naman ang anak ng isa sa pinakamayaman sa kanilan& subdivision, at hindi lang 'yon, sa bansa rin. Nahintakutan ang yaya at baka madamay ito at masisi pa siya ng magulang nito sa pagkakabugbog kay Elijah kaya naman mabilis na hinila nito ang alaga.

"Ah... eh... h-halika na, senyorita! Tiyak naman na darating din ang yaya niya!" Tarantang sigaw ng ale.

Napuno ng lungkot ang mukha ng batang si Penelope habang tinitignan ang nakapikit na si Elijah at bugbog sarado. "Pero teka lang po--"

"Halika na, Senyorita! Mapapagalitan po tayo ng daddy niyo!"

Wala nang nagawa ang batang si Penelope kundi tignan na lamang ang batang nagligtas sakaniya.

Alam ng batang si Penelope na tatanawin niya ito ng malaking utang na loob sa bata at hindi niya ito makakalimutan...