Queen
Nagising akong may ngiti sa mga labi ko.
Natunghayan ko ang mag-ama kong mahimbing pa ring natutulog sa tabi ko. Pareho pa silang nakayakap sa akin dahil naririto ako sa gitna nila.
Napakagaan ng pakiramdam ko ngayon. Nakakatabi ko na ngayon ang mga mahal ko. At ngayon nga ay hindi na ako mahihirapan pang matukoy kung sino ang nasa kabila ng maskarang inagaw sa akin.
Nilingon ko ang phone ko na nasa ibabaw ng bedside table. Maingat ko itong inabot at tiningnan kung may bago nang update si Mark. Ngunit mensahe mula sa isang hindi kilalang numero ang bumungad sa akin.
Kaagad ko itong binuksan. 'Hi, Miss Queen! Si Roxanne nga po pala ito. Kumusta ka na? Nandito ka pa ba sa Pilipinas?'
Oh... Si Roxanne! Claude Delavega's wife.
Biglang umaliwalas ang anyo ko. Kagabi pa pala itong
