"SYHNIE anak?"
"Yes dad?" nakangiting napatingin siya sa ama at napahinto sa pagbabasa ng libro nang marinig ang mahinang pagtawag nito sa kanya.
Maaga silang dinismiss ng professor nila kanina kaya dumiretso na siya roon upang alagaan ang ama.
"Come here."
Inilapag niya ang hawak na libro sa mesa at lumapit dito. Umupo siya sa gilid ng kama at nakangiting hinawakan niya ang kamay nito.
"Do you need anything dad? Gutom ka ba? Or may gusto ka bang pagkain? Come on, tell me. I'll buy it for you."
Umiling ito. "Gusto ko nang umuwi anak."
Natigilan siya.
"But dad! Hindi pa pwede. Kailangan mo munang magpagaling," mariing tutol niya.
Rumehistro ang lungkot sa mukha nito.
"Ayoko lang naman makita kayong nahihirapan ng kuya mo anak."
Tila may kumurot sa puso niya sa sinabi nito.
"I'm
