Aiana’s POV
Paalis na ako nang may makasalubong akong isang napakaguwapong lalaki. Namilog ang mga mata ko nang makilala ko kung sino ito. Hindi ako pupuwedeng magkamali.
“C-coi Gomez?” tanong ko tuloy agad sa kaniya. Nahinto din siya sa paglalakad-papasok sa loob. Namimilog din ang mga mata niya at tinitignan pa ako nito mula ulo hanggang paa. Ah, siguro ay dahil rakista ang porma at itsura ko ngayon. Hindi ako mahilig sa mga rock song, pero kilala at sikat itong si Coi Gomez na rockstar at gaya rin ni Claidy ay model din. Wala rin atang may hindi nakakakilala sa kaniya. Lahat ata ng kanta niya ay hindi puwedeng ‘di nagna-number one sa mga radio. Sa panahon kasi ngayon ay marami na rin ang may hilig sa mga rock song.
Grabe, na-shock ako sa kaguwapuhan niya. Mukhang gaya ko ay magpapaay
