Aiana’s POV
Pagdating ni Claidy sa school para sunduin ako ay inulan siya ng bati ng ilan sa mga fans niya roon. May iba na nagpaabot pa ng chocolate at regalo. Nakakatawa nga dahil may ilan sa mga haters ko dati ay mabait na sa akin ngayon. Alam kong pamamalastik lang naman ang ginagawa nila para lang makalapit sila kay Claidy. Hinahayaan ko na lang. Mainam na ‘yung ganito kaysa bina-bash ako. Ang mga bodyguard ni Claidy ang humahawak ng mga regalong natanggap niya. Sobrang daming nagtitilian at sumusunod sa amin. Nakaakbay tuloy siya sa akin habang mabilis ang paglalakad namin. Habang naglalakad kami ay mahigpit ang pagkakakapit niya sa akin. Parang siya pa tuloy ang bodyguard ko at ako ang parang artista na pinoprotektahan niya sa mga student na bumubuntot sa amin.
Pagdating namin sa
