Aiana’s POV
Kanina pa ako natatawa sa mga nanunuod sa amin. Hindi kasi mapigilan ng mga tao na kiligin sa tuwing magtatabi, maghahawak kamay at magyayakapan kami ni Coi. Maging ang sikat na photographer na galing pa sa ibang bansa ay ‘di rin maiwasang mapangiti sa aming dalawa. Tulad nang sinabi ko kanina, tama nga ako dahil abot-langit ang ngiti ng mama ni Coi habang nanunuod sa amin. Sinabi pa nito kanina na sana raw ay totoong kasal na ang nakikita niya ngayon. Bagay na bagay daw kasi kami ng anak niya. Wala tuloy akong magawa kundi ang ngumiti na lang nang ngumiti. Hindi ako ubrang magpakita ng kilig dahil ang alam ng lahat ay si Claidy ang boyfriend ko.
“Bakit ang tahimik mo? Kinakabahan ka ba? Look, hindi naman sila nagsusungit, masaya ang lahat kaya dapat masaya ka,” sabi ni Coi s
