Parang tinatamad na siyang pumasok kinabukasan dahil alam niyang magkikita at magkikita na naman sila ni Xander kahit anong iwas pa ang gagawin niya. Gusto niyang umiwas na sa gulo. Nararamdaman niyang unti-unti ng lumalayo ang loob ng ama niya sa kanya dahil kay Alexander. Hindi rin niya gugustuhin na umabot sila ng ama sa puntong hindi na mag-uusap.
Pero ganoon pa man ay kailangan pa rin niyang pumasok. Palabas na siya sa kanilang bahay nang tawagin siya ng kanyang ina.
"Camila!"
Natigil siya sa kanyang paglalakad at hinintay ang kanyang ina na makalapit sa kanya. "Mom."
"Nakikita kong matamlay ka." Hinaplos nito ang kanyang pisngi.
Pilit niyang nginitian ang kanyang ina. "Po? Hindi naman, siguro inaantok pa kasi ako. Nakakatamad kasing bumangon kapag umaga," pinasigla niya ang kany
