Kasalukuyan akong kumakain nang makatanggap ako ng mensahe galing kay Kobie.
Isasama niya raw ako sa isang bar kung saan nandoon din ang mga kaibigan niya.
Inasikaso at inalagaan ko muna si Tiyang Lala, kumain na rin kami ng sabay bago ako gumayak.
Nilagay kong muli sa mesa ang cellphone ko at mabilis na tinapos ang aking hapunan.
Pagkatapos kong kumain ay tumayo na ako sa aking kinauupuan.
Binuksan ko ang kurtinang nakatabon sa kwarto ni Tiyang Lala at tiningnan ito.
Nakatulog na siya, siguro ay epekto rin ito ng gamot kaya maaga siyang nakatulog.
Naligo muna ako at pagkatapos ay nagtungo ako sa aking kwarto.
Binuksan ang lumang kahoy na cabinet kung saan ko nilalagay ang iba ko pang mga damit.
"Ano kaya ang susuotin ko?" tanong ko sa aking sarili dahil hindi ako makapagde
