Sobrang nag-aalala ako kay Sir Kobie dahil pasarado na ang club pero ayaw niya pa ring umalis.
Wala siyang pinakikinggan kahit na si Mama Lj ay hindi siya napakiki-usapan.
Gusto niya pa ring hintayin ang pagbabalik ni Nena kahit na ilang beses ko na siyang sinabihan na hindi na ito makakabalik.
"Sir Kobie, umuwi ka na!" mahinahon kong mando pero hindi niya ako pinapakinggan. "Agahan mo na lang bukas ang pagpunta rito para maunahan mo si Sir Seb," patuloy kong sabi sa kaniya at pinayuhan ito para hindi na siya maging malungkot. Nakakaawa na rin kasi itong tingnan.
Dahil kahit na maghintay pa siya rito ng ilang oras pa ay wala rin siyang magagawa.
Puputi na lang ang mata niya sa kahihintay pero hindi pa iyon makakabalik. Lalo na at kasama nito si Sir Seb.
"Sir Kobie..." mahina ko
