Buong gabi kaming magkatabi nang upo ni Doctor Axel.
Sa totoo lang ay wala naman talaga akong ginawa kundi kausapin lang siya.
Ni hindi ko man lang nagamit ang mga pambobola ko gaya ng madalas kong ginagawa sa mga customer ko.
Sinulit niya ang buong gabing binayaran niya para lang makausap ako at mukhang nagawa naman niya iyon dahil nang umalis siya sa club ay hindi na maalis ang ngiti sa kaniyang mga labi.
At hiniling din sana nito sa akin na ihahatid niya ako sa bahay namin.
Pero hindi ako pumayag sa kagustuhan niya. Dahil para sa akin, isa iyong kilos na nagpapahiwatig ng pagiging romantiko.
Maayos naman kausap si Doctor Axel. Sa totoo lang ay komportable akong makausap siya.
Iba kasi ang nararamdaman kong awra sa kaniya.
Ni hindi ko nga naramdaman na mainip kahit na lim
