Parang binuhusan ng malamig na tubig ang hitsura ng mga estudyanteng nakaupo sa table nina Ate Autumn. Ganundin ang mga ka-team nina Winter na halatang nagulat sa aking tinuran doon. Isa-isang naburo ang kanilang mga mata sa akin, tila hindi sila makapaniwala sa mga salitang aking binigkas sa kanilang harapan. Para tuloy nais kong lumubog sa aking kinatatayuan. Ginagapangan na ng hiya. Hindi ko rin alam kung saan ako nakakuha ng kapal ng mukha at lakas ng loob. Iniisip ko pa lang iyon ngayon ay hiyang-hiya na ako sa kanila, kahit pa sabihin na wala namang masama sa aking sinabi na para siguro sa kanila ito ay kakaiba.
Anong masama sa sinabi ko? Gusto ko lang namang sumayaw kasama si Sky? Huwag naman sana nilang bigyan iyon ng kakaibang kahulugan. Nakakaloka!
Wala pa rin silang naging rea
