MICHIGO HELA RIVAS
INIKOT ko ang mata ko sa bagong bahay na inuwian namin ni Xavier. Matapos ang tatlong araw na pamamalagi sa hospital ay hinayaan na akong umuwi ng doktor. At ang good news! Umuwi ako kasama si Xavier. Walang mapagsidlan ng tuwa ang aking puso. Nararamdaman ko na mag-asawa na talaga kami.
Binigay ni Papa ang bahay na 'to sa amin bilang regalo. Sa dami ba naman ng nakulimbat sa gobyerno bilang isang General e makakabili talaga siya ng bahay. "Nagustuhan mo ba?" tanong ni Papa sa akin at saka niya nilapag ang mga bagahe namin sa loob ng bahay.
Fully furnished na ito at mga gamit na lang namin na personal ang dapat naming ilipat. Sila Mama at Ate naman ay gumagawa ng memeryendahin namin at inaayos ang magiging stocks namin ng food sa refrigerator. Inalok din ni Papa si Xa
