JANELLA:
NAPANGITI ako habang nakamata ditong nakapikit at ninanamnam ang pagkakahaplos ko sa kanyang pisngi. Ibang-iba ang Kieanne na nakikita ko ngayon. Bigla akong nakadama ng kapanatagan sa piling nito. Ni hindi na ako kinakabahan at natatakot sa kanya.
Dinala nito ang palad ko sa kanyang bibig at mariing hinagkan ang palad ko. Tumulo ang luha ko habang nakamata dito. Dahan-dahan siyang nagdilat ng mga mata na napangiting sumapo sa aking pisngi.
"Natatakot ka ba sa akin?" malambing tanong nito.
Napalabi ako na patuloy ang pagtulo ng luha ko habang nakikipagtitigan dito.
"Hindi. Hindi na. Basta kalmado ka lang, Kieanne. Natatakot ako sa'yo kapag galit at lasing ka eh. Natatakot akong saktan mo--uhmm."
Napunta sa ungol ang iba ko pang sasabihin na siniil ako nito sa aking mga labi
