Pagka-send ko ng resignation letter ko ay mariin pa muna akong pumikit bago huminga nang malalim. May skills ako, kaya kong makahanap ulit ng trabaho at hindi nakadepende sa mga kamag-anak ko.
"Are you okay?" tanong ni Theo na kararating. May inilapag itong paper bag sa table saka siya umupo sa tabi ko at sumilip sa phone ko. Dahil wala naman akong laptop ay tiniyaga ko nang mag-type sa phone. Pagkatapos ay in-send ko sa tiyahin ko.
"Yes. Nag-send ako ng resignation letter. Hindi ko kayang bumalik sa trabaho ko. May ipon naman ako, after ko rito ay itutuloy ko ang plano kong bumukod na. Kung hindi ako matanggap sa Z's Top, hahanap na lang ako ng iba."
"Wala ka pang tawag sa Z's top?"
"Wala pa."
"Mamaya tiyak kong tatawag na iyon for interview. Tiyak kong makakapasok ka."
"Sana nga."
