Gabing-gabi na. Susuray-suray akong lumabas ng cottage. Puno na ng suka iyong sala, naso-soffocate na ako sa amoy. Kailangan ko nang hangin kaya kahit lasing na lasing ay sinubukan kong lumapit sa dagat. Saka ako umupo sa buhangin sabay higa.
Malamig. Malakas ang hangin. Pero kahit papaano ay kumalma ako.
Nilunod ko na naman ang sarili ko sa alak. Pumikit ako dahil mas lalo ko lang nararamdaman ang hilo kung didilat ako.
"Happiness." Dinig kong tawag sa pangalan ko. Pero hindi ko binago ang pwesto ko. Alam kong si Theo ang tumawag sa akin. Umupo pa ito sa tabi ko saka ko naramdaman ang pagkumot ng isang blanket sa akin.
"Theo..."
"Hmm." Dinig kong ani nito.
"Pangit ba ako? Bakit kailangan akong lokohin ng boyfriend ko?"
"Niloko ka?"
"Oo. Kaya ko nga nilulunod ang sarili ko sa alak
