Balik resort na naman ako. Hapon na. Naglalakad ako pabalik sa cottage. May bitbit akong limang bote ng alak na nasa plastic, ang kabilang kamay ay dala ko ang isang plato ng pulutan. Kaya ko namang hawakan kaya hindi na ako nagpahatid.
Pakanta-kanta pa ako. Nilagpasan ko pa si Pedro na katatapos magwalis, pati si Theo na kausap si Pedro.
Alam ko kung saan sila nakatingin ngayon.
Sa mga alak na dala ko lang naman.
Pagdating ko sa cottage ay agad kong ipinuwesto ang mga dala ko sa center table. Kumuha na rin ako ng yelo sa mini-ref. Nagbitbit na rin ako ng baso at nilagyan iyon ng yelo sabay salin ng alak doon.
Excited pa akong inamoy iyon, saka hinintay na medyo lumamig.
Tamang tumawag si Yolly. May tsismis na naman ba?
"Girl, maririnig mo na ang part two. Nandito na naman si Jenina
