DELTA:
SUNOD-SUNOD akong napalunok na ultimo paghinga ay hindi ko magawa habang nakamata kami sa isa't-isa!
Ngumiti ito na hinawakan ang kamay ko at marahang pinipisil-pisil iyon.
"Alam ko naman pong hindi kayo basta-bastang tao, Sir Delta. Katulad na lamang noong unang tagpo natin sa hospital na may nagtangka sa buhay mo. Sinabi rin naman sa akin ni Tatay ang tungkol sa trabaho niya sa'yo. Na bilang bodyguard ng isang negosyanteng katulad mo ay nasa peligro din ang buhay nila sa dami ng kalaban ng amo nila," maalumanay nitong saad na may pilit na ngiti sa mga labi.
"Y-Yumi," tanging sambit ko.
Marahan itong umiling na tinapik-tapik ang braso ko.
"Okay lang po kung hindi pa kayo handa sabihin sa akin, Sir. Pero sana. . . sabihin niyo pa rin kung paano siya namatay. Tatay ko siya.
