"ANG BONGGA naman! Kumpleto yata tayong mga girls ngayon?" tuwang-tuwang wika ni Olay. Naroon sila nakatambay sa harap ng tindahan nito na ilang linggo rin nakasarado.
"Ay sori, hindi tayo kumpleto. Wala pa kaya ang newly weds." Ani Madi.
Nalukot ang mukha ni Olay. "Oo nga pala, nasa honeymoon pa sila Panyang at Roy. Kailan ba sila uuwi?"
"Now na!"
Nagulat silang lahat at halos sabay-sabay na napalingon. Naroon nakatayo si Panyang, na blooming pa rin hanggang sa ngayon. Habang ang kabiyak nito ay nasa kabilang side ng kalsada at abala sa pagpa-park ng sasakyan nila.
"Panyang!!!" sigaw nila sabay sugod ng yakap dito. Halos matumba ito dahil pinagkaguluhan nila ito.
"Aray ko!" sigaw nito.
Bahagya silang lumayo dito. "Aray ha? Ginawa niyong nilupak ang mukha ko!" reklamo nito.
"Kumust
