Shine’s POV
Naitakip ko ang isang palad sa bibig ko upang pigilan ang pagtili ko, saglit akong nahimatay, sinandal ko lang ang ulo sa couch ngunit muling umayos ng upo, parang baliw lang. Muli kong binasa ang mensahe niya, kahit ilang beses kong basahin hindi man lang nabawasan ang kilig ko. Muli kong naitakip ang kamay sa bibig ko, para akong maiiyak na ewan. Mula sa bibig ay dumausdos pababa ang kamay ko sa dibdib ko upang muli’y pakalmahin ang naghuhumintado kong puso. Ang sarap-sarap tumili kung hindi lamang ako makabulabog ng mga tao rito sa bahay lalo na mga magulang ko.
Muntikan ko ng mabitawan ang phone ko ng tumunog ito kasabay ng pag-flash ng gwapo niyang mukha sa screen ko.
“Ang gwapo naman ng Sir, na yan!” Anas ko sa mahinang boses.
Napatayo ako. Dumoble ang nararamdaman
