Natapos ang working hours at saka na kami dumiretso ni Ares sa bahay para magpalit ng pang-gym clothes. Hindi ko siya kinakausap buong oras na nagbi-byahe hanggang sa nakarating kami sa kanyang gym. Saktong pagkarating namin ay parating na rin sina Theo at Collin.
Habang binubuksan ni Ares ang gym ay sakto namang lumabas iyong dalawa at saka lumapit sa amin.
“Hi, Cc!” bati sa akin ni Collin.
“Hi, Collin,” ngiti ko naman.
“Sugar, hindi ba masakit ang katawan mo nung last time na nag-gym tayo?” tanong ni Theo sa akin.
Napatingin si Ares kay Theo at flat ang ekspresyon ng mukha nito.
“Sugar?” maasim ang mukha na tanong ni Collin kay Theo.
“Bakit? Bawal bang tawagan ko siyang sugar?” ani Theo. “Unless siya yung may ayaw. Ayaw mo ba, sugar Cc?” he asked. Theo’s eyes are pleading.
Nata
