"ALIYAH, BAKIT parang sobrang busy mo nitong mga nakaraang araw. Hindi na tayo madalas nagkikita," tanong ni Thomas kay Aliyah. Naglalakad kasi siya mag-isa papasok sa campus nang tawagin siya nito. Halatang siya ang hinihintay nito sa gate at balak talaga siyang kausapin.
Nahihiya siyang ngumiti rito. "Medyo, Thomas. Pasensya ka na." Hindi niya naman ito balak talagang iwasan. Nagkataon lang talaga na mas nagkaroon siya ng oras kay Celestine dahil iyon naman talaga ang dapat. Isa pa ay ayaw niyang magkaroon na naman si Celestine ng dahilan upang magselos. Kahit pa wala naman siyang ginagawang masama, ayaw niyang masaktan nang hindi sadya ang nobya.
"Ayos lang naman, Aliyah. Nagtataka lang ako pero wala namang problema."
Hindi na lang siya kumibo rito. Naglalakad na sila ngayon malapi
