Sinaraduhan ko ng pinto si Leri. Masama ang loob ko sa kanya. Ngayon lang siya nagpakita halos isang buwan na ang nakakaraan? Parang wala lang sa kanya 'yun. Kahit kanina gusto ko na siyang yakapin, pero pinigilan ko ang sarili ko dahil may sama nga ako ng loob.
Hindi pa ako handang harapin si Leri. Napasulyap ako sa anak naming mahimbing na natutulog. Umupo ako sa tabi niya. Tanging buntonghininga ang nagawa ko. Habang tinititigan ko si Giuseppe naiisip ko kung ano ba ang magiging buhay namin kay Leri. Siguradong hindi kami matatahimik dahil hindi naman ako gusto ng tatay niya. Baka palaging kontra iyon sa amin. Ayaw niya sa akin at ayaw niya rin sa anak ko. Magiging masaya ba kami kung may isang tao na nagwi-wish magkahiwalay kami?
Nakarinig ako ng sundod-sunod na katok.
"Martha open
