Pagkababa ng sasakyan dumiretso na sa loob si Leri. Naiwan akong nagtataka sa kinikilos niya. Ganito pala magalit ang italyanong ito. Isang malalim na buntong hininga ang pinakawalan ko. Para siyang bata kung magtampo.
Bakit naman siya magagalit sa akin? Wala naman akong ginawang masama? Nag-usap lang naman kami ni Mon. Iniisip niya bang may something sa aming dalawa? Wala nga ba? Ipinilig ko ang ulo ko.
Pagkapasok ko ng bahay hindi ko na nakita si Leri. Baka nasa itaas na yun. Dumiretso na ako ng silid namin para makapagbihis. Magluluto na din ako baka gutom lang ang asawa ko kaya mainit ang ulo. Inilagay ko sa loob ng dresser ang binigay na bag ni Mon. Alam niyang paborito ko ang sling bag kaya ito binigay niya. Napangiti ako. Hindi pa pala niya nakakalimutan ang mga gusto ko.
" Throw
