“Parang kanina ka pa wala sa sarili ah.” puna ni Lovely. Napapitlag ako at pilit na ngumiti sa kanya.
“A-Ayos lang ako. Medyo nahihilo lang ako.” napasinghap siya sa sinabi ko.
“OMG! Don't tell me buntis ka?” binatukan ko siya.
“Buntis ka dyan. Madami lang talaga akong iniisip.” sabi ko habang sinisilid ang libro sa bag ko.
“Rash!” natigilan ako nang tawagin ni Lovely si Rash.
Nakangiti si Rash habang naghihintay sa labas ng room at syempre, halos nasa kanya ang atensyon ng mga estudyante. Napaiwas ako ng tingin.
“Rash, nahihilo daw si Melody.” napasapo ako sa noo ko dahil sa kadaldalan ni Lovely. Mamumuti ang mga buhok ko sa babaeng 'to.
Napakunot ang noo ni Rash at napatingin sakin. Sinukbit ko na ko na lang ang bag ko.
“Lovely, samahan mo ko sa office Ms. Santos.” sabi ko kay
