Skyla’s POV
Latang-lata at parang may hang-over si Lucio. Simula nang dumating siya kaninang umaga, nakaupo na lang siya palagi sa sofa ko dito sa silid ko. Kung minsan ay pa-idlip-idlip pa siya. Naiinis tuloy ako dahil wala akong kakulitan. Wala siyang silbi ngayong araw kaya iritado tuloy ako.
Nabalitaan kong nasolusyunan niya ang pagbalik ng mga tanim nila sa farm nila kaya medyo naiinis talaga ako. Pero kahit anong gawin niyang solusyon doon, hindi pa rin sila magiging masaya ni Lola Igna doon. Hanggang naiisip kong si Lucio ang dahilan nang pagkamatay ng lolo ko ay hindi na magiging masaya ang pamumuhay nila.
Nabalitaan ko rin na bantay-sarado ang farm nila. Kahit ilan pa sila, kahit isang daan pa, kayang-kaya kong sirain ang mga tanim nila. Pero this time, mas malala na ang ipapag
