Skyla’s POV
Dinampot na ng mga tauhan ni Suzana si Don Simon habang wala pa ring malay-tao. Solid ang pagtama ni Lucio ng bunga ng buko sa ulo niya kaya hanggang ngayon ay wala siyang malay-tao. Kasunuran lang nang dating sina Lucio at ang mga tauhan ni Suzana na pinapunta ko rito kanina.
“Sa lahat nang papatayin na, ikaw ‘yung madaling naka-move on, Miss Skyla,” puri ni Lucio.
“Tapos na kasi, wala na akong tinik sa buhay. Si Kate na lang, bigla kasing nawala eh.”
“Hayaan mo na ‘yun. Mukhang wala naman kasing ibubuga ang isang ‘yun. Pero umamin ka nga, Miss Skyla, kailan ka pa nakakakita talaga?” tanong niya bigla.
Oo, alam na rin ni Lucio na hindi na ako bulag simula nang makipagtitigan ako kanina sa kaniya. Hindi ko na rin kasi maipasok ang pag-arte bilang bulag dahil sobrang seryos
