"Saan kayo galing?"
Sandali akong napahinto. Napansin pala ako ni Jayar. Hindi ako sumagot at nagpatuloy ako sa paghakbang patungong hagdanan.
"Aba! Kung sinong umasta!" paparinig sa'kin ni Chilsea.
Nagkunwari akong hindi narinig iyon. Nagpatuloy lang ako. Hindi ko sila nilingon at baka masaktan pa ako.
Awtomatikong bumagsak ang luha sa'kin mata nang mailapag ko na si Jai sa kanyang kama. Hinalikan ko ang kanyang noo at tumabi sa kanya. Dito ako magpapalipas ng gabi katabi ang bata.
"Para sa'yo anak, para sa'yo kakayanin ko ito. Alam kong hindi ka papayag na umalis sa bahay na ito. Alam kong ayaw mong mapalayo sa kinikilala mong daddy. Pero sana baby, maramdaman mo ang nararamdaman kong sakit. Sana maramdaman mong naghihirap ang kalooban ko. Sana maramdaman mong nagtitiis ako." Tuluya
