Chapter 26
MIKAY
Kanina pa ako palinga-linga sa paligid nagbabakasakali ako na makita ko sina Juday at Tina. Wala kasi si VJ ngayon kaya naman wala akong kasamang kumain, si Nurse Yen naman ay mukhang mamaya pa kakain dahil busy pa rin ito.
"Gutom na ako," pagmamaktol ko.
Nagbabakasakali rin ako na makita si Adam kaya lang mukhang missing in action siya, kanina ko pa siya tinatawagan pero hindi ito sumasagot.
"Bahala na nga. Kakain na lang ako mag-isa," sagot ko.
Kesa naman magutom ako lalo, edi kakain na lang ako mag-isa.
Nang marating ko ang cafeteria, hindi naman karamihan ang mga tao kaya naman nakakuha agad ako ng pagkain. Ang maganda rito sa cafeteria ay walang bayad ang pagkain, kahit ata ilang beses kang kakain dito ay okay lang. May mga pasyente ring kumakain dito. Hindi k
