Chapter 25
MIKAY
Nang makauwi ako sa bahay ay agad kong ibinagsak ang katawan ko sa sofa dahil sa sobrang pagod. Grabeng lala pala sa emergency room, hindi nauubusan ng pasyente. Hindi ko alam na sa buong araw ay gano'n karami ang mga pasyente, ibang klase. Dinaig ko pa ang nakisabak sa gyera. Sobrang sakit ng buo kong katawan na akala mo nabugbog ako.
"Oh hija, nandito ka na pala. Kumusta ang unang araw mo sa hospital?" tanong ni Nanay Cristy na as usual hindi nawala ang pagkakangiti niya sa akin.
"Nay, hindi po ata hospital ang napuntahan ko," pagmamaktol ko saka ako marahas na bumuntong hininga.
Grabe talaga, first day ko pa lang pero pakiramdam ko nilayasan na ako ng kaluluwa ko dahil sa pagod. Tapos may isang pasyente kanina sa ER na ayaw magpahawak sa kahit na sino at panay pa
