Nag-shake hands si Daddy Rafael ni Dylanne at si Coulter nang makasakay na ang binata sa private jet nito. Huli itong dumating dahil sa may inasikaso raw na importante.
Malamang ang Mexicana na naman iyon ang inasikaso niya, inis siyang napaisip.
Ngunit nasorpresa na lang siya na kasama rin pala nito ang Mexicana na nakita niya sa restoran noong isang gabi. Pinapuwesto pa ito sa tabi ng binata.
Parang agad na kinuyumos ang kanyang puso dahil dito. Ang sakit-sakit ng nadama niya. Nang patungo sa direksyon nila ng Ate Claren niya ang mga mata ni Coulter ay nagbawi na siya ng paningin bago siya makita nitong nakatingin at kunwari may sinasabi siya sa pinsan. Pilit niyang huwag indahin ang sakit sa kanyang dibdib.
“Bumili ka ba ng ilang pasalubong para kina Lola at Tito Richard?” aniya kay
