Kinagabihan.
Kasalukuyang nagkakasiyahan ang mga obrero. Nagkakantahan,nagkakainan at nag-iinuman ang mga ito. Nakangiting pinanood ni Lucky ang mga obrero. Natutuwa siya sa tibay ng samahan nina Daniel ang ng mga ito.
Hindi katulad ng mga napapanood niya sa mga drama sa telebisyon na pinahihirapan ng haciendero ang mga obrero, at mukhang gustong-gusto pa ng mga ito na maglingkod kay Daniel.
Itinuon naman ni Lucky ang kanyang atensiyon kay Daniel. Hawak-hawak ng lalaki ang isang gitara habang kumakanta naman ang mga obrero. Pinanood niya ang bawat kilos ng lalaki. Sa halos ilang linggo ng pananatili niya sa farm ay lagi na lamang itong nakasimangot at lagi itong seryoso o naiinis kapag kausap siya.
Ngunit ibang Daniel ang nakikita niya ngayon. Nakangiti ito ng maluwang at nakikita ni
