Ibang daan ang tinatahak ng sasakyan. Sumuot sa mga eskinita. Sa sobrang kaba ay hindi ko na alam kung nasaan kami. Pero ang tiyak ko lang ay nakabuntot pa rin sa amin ang mga sasakyan na nasa likuran na namin.
Palabas na ng siyudad. Umiiyak na ako sa labis na takot, pero relax na relax lang si Kuya Kid. Halatang confident ito sa ginagawa n'ya.
Sanay talaga sa trabaho n'yang ito.
Bukas pa rin ang phone ko dahil sinasabi ni Kuya Kid Kay daddy kung saan na ang location namin.
"Palabas na kami ng city, boss. Wala kaming other options kung 'di baybayin ang daan na ito."
"Kid, iyong anak ko. Protektahan mo ang prinsesa ko. Nakahingi na ako nang tulong. Paalis na rin kami kasama ang backup. Iyong anak ko, Kid."
"Yes, boss." Sagot ni Kuya Kid kay Yko Aragon. "Hindi ko pababayaan ang anak mo
