"Kumusta ka na, anak?" tanong ni Don Amador sa bunsong anak after they took her home.
"O-kay lang po, D-daddy." Napatungo at nautal si Anna dahil hanggang sa oras na iyon ay hindi pa rin siya makapaniwalang nasundan siya ng mga magulang sa probinsiya.
Naisip niya tuloy kung paano nila nalamang nasa probinsiya siya. Kalabisan man siguro ngunit ang nasa isipan niya sa oras iyon ay baka pagalitan na naman siya. Ipahiya dahil nag-asawa siya na hindi man lang ipinaalam sa kanila. Ngunit kinalimutan niya ang katutuhanang isa siyang Garcia dahil na rin sa mga naranasan niya sa piling ng ama bago siya pinalayas.
"Huwag kang matakot, love ko. At patawarin mo ako dahil kumilos ako na hindi nagpaalam sa iyo. Ako ang bumalik sa Manila at lihim na nakipag-ugnayan sa kanila. Alam kong kahit masaya k
