"Nakarating na kaya sina Mommy sa bahay?" tanong ni Anna Marie sa asawa. Kinabukasan ng hapon. Madaling-araw naman kasi sila nanggaling sa Vigan City. Kaya't malamang hapon na talaga sila makakarating sa Manila lalo na kapag inabutan sila ng trapiko sa daan.
"Sana nga nakarating na sila, love ko. Hanggang sa ngayon ay hindi pa rin ako makapaniwala sa mga ipinahayag nila kahapon. Ngayon nauunawaan ko na kung bakit palihim din ang pakikipagnegosasyon nila sa akin." Napapailing si Paul dahil talagang kahit anong gawin niya ay ayaw pumasok sa isipan ang mga napag-usapan nila ng mga biyanan niya.
"Mas lalo na ako, my love. Kailanman ay hindi ko naisip na magagawa nila Ate Christina at Kuya Armando ang bagay na iyon. We are family kaya't mahirap paniwalaan, love ko. Nag-aalala ako na baka mapa
