"Kumusta ang lakad mo, anak? Ano ang sabi ng teachers ng mga bata?" salubong na tanong ni Aling Rosa sa anak.
"Kalagitnaan na raw po ng school year kaya't baka mahihirapan na ang dalawa kapag lilipat pa sila rito. Ang suhestiyon ng guro ni Jamaica ay panatilihin na lang daw muna siyang makatapos sa taong ito sa Poblacion. Ganoon din si Jullianna Marie, dahil kung lilipat sila ngayon ay baka rin daw masira ang record nila," malungkot na pahayag Ronald.
"Ang mga apo kong kaawa-awa. Akala ko noong namatay sina Sir Amador at Ma'am Helen ay magiging masaya na ang kapatid mo. Subalit hindi pa nga sila nakakapagtapos ng Elementarya ay nawala na sa kanila ang kaligayahan dulot sana ng magulang nila." Napatingin ang Ginang sa labas ng kanilang bahay.
Nandoon ang magkapatid. Ilang araw na simula
