Samantalang susundan sana ito ng kasintahan dahil sa pag-aalala na baka mapahamak pero pinigilan ito ni Ronald. Sa wakas ay nagsalita din ito simula dumating ang dalawa. Kaya nga napatingin dito si MC. Ngunit inunahan ito ng Ginoo.
"Hayaan mo muna siyang mapag-isa, Iho. Kailangan ka naming makausap habang wala sila rito. Pero bago ang lahat ay ipagpaumanhin mo na kung kanina pa kami nanahimik. Pero kami muna ang dapat makausap mo," ani Mang Ronald.
"Pero, Tata, baka mapaano ang nobya ko...ang..." Hindi tuloy alam ng binata kung paano tawagin ang babaeng pinakamamahal na pinsan pala niya.
"Huwag kang mag-alala, Iho. Dahil taga rito siya alam niya ang pasikot-sikot sa mga daan. Hindi siya mawawala kung iyan ang iniisip mo. Saka kilala mo naman siguro siyang mainitin ang ulo lalo na ngayon
