"Kayong dalawa kailan n'yo ako titigilan sa blind date na iyan ha? Aba'y noong nakaraang buwan sy dinisturbo ninyo ang pamamahinga ko subalit wala naman kayong maiharap sa akin. Tapos ngayon ay blind date na naman na naman ang sinasabi ninyo? Aba'y puwedi bang tigil-tigilan ninyo ang mga kalokohan na iyan. Baka kagaya lang iyan nang ipapakilala ninyo kuno sa akin noong nakaraang buwan na walang isang salita kaya't hindi nagpakita." Salubong ang kilay na salungat ni Jullianna Marie sa magkasintahang Rizsa at Zack Joseph.
Totoo naman kasing hindi natuloy ang pagkikita sana nina Michael at Julianna sa nakaraang linggo dahil kung kailan nandoon na silang lahat ay saka pa tumawag ang imbestigador nito na may irereport na hindi maaaring sabihin sa cellphone. Food trip nga ang binagsakan nilang
