"Ilang taon na ba simula nang huling umapak si Jullianna Marie dito sa lugar natin? Noong una ay inakala kong gusto lang niya kayong bigyan ng privacy. Subalit umabot na ng ilang taon ang hindi niya pag-uwi kaya ako nababahala. Makikita ko pa kaya siya bago ako mamatay?" malungkot na tanong ni Lola Rosa.
"Huwag kang magsalita ng ganyan, Lola. Hindi ka pa po mamatay. Alam ko pong namimiss mo na ring ang kapatid ko kagaya ko, tayong lahat po, Lola. Namimiss din po namin siya." Umusog si Jamaica sa tabi ng butihing matanda saka hinawakan ng mahigpit ang palad nito. Ang kumopkop sa kanilang magkapatid simula noong pumanaw ang mga magulang nila.
"Jamaica apo, aminin man natin o hindi ay doon ang tungo natin. May nauuna at may nahuhuli sa pagsasuli ng buhay. Matanda na ako at alam kong anumang
