Kabanata 12
Kinabukas nagising ako dahil sa tunog ng aking cellphone. Hindi ko mamulat mulat ang aking mga mata dahil sa pagod ko sa pag-iyak. Feeling ko ang bigat ng katawan ko, masakit ang aking ulo dahil sa kakaiyak kagabi. Sinisipon din ako ngayon, pakiramdam ko talaga na magkakaroon ako nang sakit. Inabot ko iyon habang pikit na pikit parin ang aking mga mata. Limang tao lang inaasan kong tatawag sa akin, wala naman na akong binibigyan ng numero ko kundi sila lang.
Hindi ko na tinignan kong sino ang tumatawag sa akin at basta bastang sinagot ko na iyon ng makuha ko ang cellphone.
"Hello," sabi ko gamit ang pang-umagang boses ko.
"Nanay, magandang umaga!" sabay ng kambal sa kabilang linya.
Napamulat ako dahil sa bating iyon galing sa kanila. Umupo ako sa pagkakahiga at kinusot ang
