Makalipas ang ilang araw ay nakatanggap siya ng tawag mula kay Sandro. Mabuti na lang at nagkataong weekdays iyon ng tanghali kaya wala ang selosong kambal sa mansiyon kundi ay siguradobg bantay-sarado ng mga ito ang pag-uusap nila ni Sandro.
“Sayang beb, sabay na sana tayong ga-graduate next year. Mami-miss ka namin! Mababawasan ng isang bakla ang grupo natin.”
Natawa siya sa huling sinabi ni Sandro pero sa loob-loob niya ay may lungkot din siyang nararamdaman dahil hindi siya makakasabay sa mga ito na maka-graduate sa sunod na school year. Enrolment na kasi at ilang linggo na lang ay pasukan na naman. Education ang course na kinukuha nilang apat at kung makakasabay sana siyang maka-graduate kina Sandro ay sabay-sabay silang magti-take ng Board Exam. Iyon na sana ang plano nila noon pa.
