Sa mga sumunod na araw ay pasimple pa ring nagbabangayan ang dalawa.
Pasimple rin ang mga itong nag-uunahan sa paglapit o pagtabi sa kanya kahit saan siya umupo at magpunta.
Pero hanggang sa mga sandaling iyon na malapit nang mag-two months ang ipinagbubuntis niya ay hindi pa rin sila nagkakasundu-sundo kung ano na ang magiging sitwasyon nilang tatlo. Ganoon pa man, halata pa rin sa dalawa na wala sa mga ito ang gustong magpatalo.
Payag sana si Jaycee na magsasama silang tatlo in a sense na magiging parehong asawa niya ang mga ito, siguro ay dahil matagal itong nanirahan sa ibang bansa kaya mas open ito sa mga ganoong set-up. Pero matigas na tumatanggi si Jayvee at naninindigang ito lang ang nag-iisang asawa niya at nag-iisang dapat niyang makasama.
At hanggang nang mga araw na iyon ay
