Lumipas pa ang mga araw. Nagbabago ang panahon pero ang sitwasyon sa pagitan nila Warren at Warson ay hindi.
Nasa loob ng gym sa mansyon si Warren. Tagaktak ang pawis niya sa noo, leeg, mga braso at dibdib na dumadaloy pababa ng kanyang abs habang nagsi- sit-ups sa nakalatag na mat. Sa bawat pag-angat niya ay nagfle-flex ang kanyang mga muscles na mas lalong nagpapaganda sa hubog ng katawan niya.
Ginagawa ito ni Warren hindi para mas lalong gumanda ang pangangatawan kundi para ma-divert ang kanyang atensyon. Kung wala kasi siyang gagawin, mas lalo lamang siyang malulubog sa kumunoy ng pag-iisip.
Hindi maiwasang mas lalong sumama ang loob ni Warren sa kakambal na si Warson. Tunay na tinotoo ang sinabi nito na lalayo muna ito sa kanya. Sa iisang bahay lang sila nakatira ngunit pakiramdam
