Nakatihaya nang higa sa kanyang kama si Warren. Nakaunan ang ulo niya sa kanyang mga kamay habang ang mga mata naman ay nakatitig ng diretso sa kisame.
Mag-isa lamang si Warren ngayon sa kwarto kaya hindi niya mapigilang malalim na mag-isip. Iisa lang naman ang laman ng utak niya, si Warson na hanggang sa kasalukuyan ay hindi pa rin siya kinakausap at nilalapitan man lang.
Hindi maiwasang makaramdam ni Warren ng tampo sa kakambal. Dapat nga siya ang magalit dahil sa ginawa nito pero mas pinili na lamang niya na magpaka-kuya at alamin kung ano nga ba talaga ang nangyayari dito. Siya na ang naga-adjust para hindi na mas lumala pa ang sitwasyon ngunit mukhang nagkamali yata siya ng approach.
Hindi man niya akalain ang naganap sa pagitan nila ni Warson pero ayaw niyang isipin na bakla ang k
