Mabagal na naglalakad si Warren papunta sa garden ng mansyon. Nakapamulsa ang mga kamay niya sa magkabilang bulsa ng suot niyang semi-fit jeans at parang modelong tinatahak ang runway dahil sa istilo ng kanyang paglalakad.
“Ano na naman bang kailangan niya?” mahinang tanong ni Warren sa sarili. Pinatawag na naman kasi siya sa hindi malamang kadahilanan.
Nakababa na ng hagdan si Warren at palabas na siya ng mansyon. Huminto muna siya at tumingin sa living room kung saan mula sa sofa, nakita niyang nakaupo doon si Warson at nanunuod ng palabas sa telebisyon. Napangiti siya ng tipid nang maalala ang napag-usapan nila ng nasa swimming pool sila.
Totoo na hanggang sa kasalukuyan ay nasa proseso pa lamang siya ng pagtanggap sa pagbabago ng sekswalidad ng kakambal. Biglaan ang lahat para kay W
